دوسرارکن:فرشتوں پر ایمان
فرشتے: غیب کی دنیا سے تعلق رکھتے ہیں، اللہ نے انہیں نور سے پیدا کیا ہے، وہ اللہ کی اطاعت وفرماں برداری میں لگے رہتے ہیں اور اس کی نافرمانی نہیں کرتے، اور وہ ذی روح ہیں، اور جسم والے ہیں، ان کے پاس دل اور عقل ہیں، ہم ان پر ایمان رکھتے ہیں،اور ہم ان فرشتوں پر بھی ایمان رکھتے ہیں جن کا نام اللہ نے ہمیں بتایا ہے، (جیسے: جبریل،میکائیل،اسرافیل) ،اور ان کی صفات پر بھی ایمان رکھتے ہیں، جیسے اللہ نے ہمیں انکے بارے میں بتایا ہے ، اور انہیں سپرد کردہ اعمال پر بھی ایمان رکھتے ہیں، جیسے عرش کواٹھائے ہوئے فرشتے، اور جو بھی خبریں ان کے بارے میں آئی ہیں ہم ان پر اجمالی و تفصیلی طور پر ایمان رکھتے ہیں۔
بعض وہ فرشتے جن کے بارے میں خبردی گئی ہے
آٹھ فرشتے جو اللہ کے عرش کو اٹھا ئے ہوئے ہیں،جبریل علیہ السلام کے سپرد وحی کا کام ہے، میکائیل علیہ السلام بارش برسانے کا کام انجام دیتے ہیں۔ ہم ان تمام فرشتوں پر ایمان رکھتے ہیں اور ان کے بارے میں جو اجمالی اور تفصیلی خبریں دی گئی ہیں ان سب پر بھی ایمان رکھتے ہیں۔