.png)
.png)
بعض وہ چیزیں جو روزے دار کے لیے جائزہیں
بعض وہ چیزیں جو روزے دار کے لیے جائزہیں
تھوک کا نگل لینا،بوقت ضرورت کھاناچکھنا،مسواک کرنا،غسل کرنا،خوشبو لگانا،ٹھنڈک حاصل کرنا۔
روزے کے مستحب [مسنو ن] اعمال
۱۔سحری کرنا۲۔
سحری تاخیر سےکرنا
۳۔افطار میں جلدی کرنا۔
۴۔رطب کھجوروں سے افطارکرنا،اگر میسر نہ ہوں توخشک کھجوروں سے افطارکرنا،اور طاق کھجوروں کا استعمال کرنا،اور اگر یہ بھی میسر نہ ہو تو چند گھونٹ پانی سے افطارکرنا،اور اگر یہ بھی میسر نہ ہو تو دل میں روزہ توڑنے کی نیت کرلینا۔
۵۔افطار کے وقت اور روزے کی حالت میں دعا کرنا
۶۔کثرت سے صدقہ کرنا۔
۷۔رات میں تہجد پڑھنا
۸۔قرآن کی تلاوت کرنا۔
۹۔کوئی بدکلامی و بدسلوکی کرے تو یوں کہنا کہ "میں روزے سے ہوں"۔
۱۰۔عمرہ ادا کرنا۔
۱۱۔رمضان کے آخری دس دنوں کا اعتکاف کرنا۔
۱۲۔شب قدرکو تلاش کرنا۔
روزہ کے مکروہات
۱۔ دوران وضو کلی کرنے اور ناک میں پانی ڈالنے میں مبالغہ کرنا۔
۲۔بغیر ضرورت کے کھانا چکھنا۔
وہ باتیں جو روزے دار پر حرام ہیں
۱۔بلغم کا نگل لینا، البتہ اس سے روزہ فاسد نہیں ہوتا۔
۲۔ اس کے لیے بیوی سے بوس وکنار کرنا، جس کے روزہ خرا ب ہونے کا ڈر ہو۔
۳۔جھوٹ بولنا یا اس پر عمل کرنا(یعنی حرام کام کرنا)۔
۴۔نادانی اور بے وقوفی کےکام کرنا۔
۵۔وصال کرنا (یعنی دو دن لگاتاربلاافطار روزہ رکھنا)۔
مکروہ روزے
صرف جمعہ یا سنیچر یا اتوارکاروزہ رکھنا ،البتہ شرعی وجہ سے ان دنوں میں روزہ رکھنا کوئی حرج کی بات نہیں، جیسے کہ عرفہ کے دن کا روزہ ان دنوں میں سے کسی ایک دن آجائے۔
حرام روزے
۱۔ماہ رجب میں خصوصی روزے رکھنا۔
۲۔عیدین کے دن روزہ رکھنا۔
۳۔۔شک کے دن کا روزہ،البتہ جس کا معمول ہے تو اس کے رکھنے میں کوئی حرج نہیں۔
۴۔ایام تشریق کے روزے،لیکن اس کے لیے جائز ہے جو حج میں قربانی کا جانور نہ پائے(اور یوم عرفہ سے قبل تین روزے نہ رکھ سکا ہو)۔
۵۔ہمیشہ کے لیے روزہ رکھنا(یعنی کبھی افطار نہ کرنا)۔
